ភ្នំពេញ​៖ នៅ​សាលាខណ្ឌ​ព្រែក​ព្នៅ មាន​បើក​កិច្ចប្រជុំ​សាមញ្ញ លើក​ទី​១៧ អាណត្តិ​ទី​២ នៅ​ព្រឹក​ថ្ងៃទី​២៨ ខែតុលា ឆ្នាំ​២០១៥ របស់​ក្រុមប្រឹក្សា​ខណ្ឌ​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ​។​

​មានការ​អញ្ជើញ​ចូលរួម​ក្នុង​កិច្ចប្រជុំ​ពី​សំណាក់ លោក លោកស្រី សមាជិក​ក្រុមប្រឹក្សា​ខណ្ឌ លោក​អភិបាលរងខណ្ឌ លោកនាយ​ករង លោក លោកស្រី​ប្រធាន​-​អនុប្រធាន​ការិយាល័យ​ជំនាញ​ជុំវិញ​ខណ្ឌ លោក​-​លោកស្រី​ចៅសង្កាត់​ទាំង​៥ លោក​អធិការនគរបាល​ខណ្ឌ លោក​មេបញ្ជាការ​កងរាជអាវុធហត្ថ​ខណ្ឌ និង​មន្ត្រី​សាលាខណ្ឌ ក្រោម​អធិបតីភាព​លោក សៅ គុន​ឆុន សមាជិក​ក្រុមប្រឹក្សា​ខណ្ឌ តំណាង​លោក ម៉ៅ បូរ៉ា ប្រធាន​ក្រុមប្រឹក្សា​ខណ្ឌ និង លោក សុខ សម្បត្តិ អភិបាល​នៃ​គណៈ អភិបាលខណ្ឌ​។​

​កិច្ចប្រជុំ​នេះ ធ្វើឡើង​ក្រោម​របៀបវារៈ​ដូចជា​៖ ពិនិត្យ និង​អនុម័ត​សេចក្តីព្រាង​កំណត់ហេតុ​កិច្ចប្រជុំ​សាមញ្ញ​លើក​ទី​១៦ អណ​ត្តិ​ទី​២ របស់​ក្រុមប្រឹក្សា​ខណ្ឌ​ព្រែក​ព្នៅ កាលពី​ថ្ងៃទី​២៥ ខែកញ្ញា ឆ្នាំ​២០១៥ ។ ពិនិត្យ និង​អនុម័ត​សេចក្តីព្រាង​របាយការណ៍​ប្រចាំ​ខែតុលា ឆ្នាំ​២០១៥ របស់​រដ្ឋបាល​ខណ្ឌ​។ ពិនិត្យ និង​អនុម័ត​សេចក្តីព្រាង​ដីកា ស្តីពី​ការកំណត់​សេវា​នៅ​ការិយាល័យ​ច្រកចេញចូល​តែមួយ របស់​សាលាខណ្ឌ​ព្រែក​ព្នៅ ព្រមទាំង​បញ្ហា​ផ្សេងៗ​មួយចំនួនទៀត​៕

​ប្រភព​៖ ទំព័រ​សាលាខណ្ឌ​ព្រែក​ព្នៅ​

​